Utertitsineq pisinermillu arrepissuteqarsinnaatitaaneq

Ullut 14-it

Atuisutut Akikik.gl-imi pisiguit nioqqutissap tiguneraniit ullut 14-it pisinermik arrepissuteqarsinnaatitaavutit.

Pisiniarneq unitsikkusukkukku piffissarititaq qaangiutsinnagu erseqqissumik nalunaarfigisigut:

E-mail: info@akikik.gl
Oqarasuaat: +299 58 54 53

Akikik.gl nalunaarfiginagu nioqqutissamik tigusinnginneq imaluunniit aallinngitsoorneq pisinermik arrepissuteqarnertut naatsorsuunneqarsinnaanngilaq.

Utertitsineq

Nioqqutissaq utertinnginnerani Akikik.gl tamatigut attavigiuk. Utertitsiffissaq sorleq atorneqassanersoq nalunaarutigissavarput.

Allatut isumaqatigiissuteqartoqanngippat utertitsinermut aningaasartuutit nammineq akilissavatit. Nioqqutissaq isumannaatsumik poortorneqassaaq, poortukkallu isumaqatigiissutigineqartumut apuunissaata tungaanut akisussaaffigissavat.

Nioqqutissaq tigunerani qanoq issusimisut utertinneqassaaq. Pisiniarfimmi misissuisinnaanertut misissorsinnaavat. Pisariaqartumit annertunerusumik atorneqarsimappat imaluunniit suliarineqarsimappat nalingata appariarnera illit akisussaaffigisinnaavat.

Poortukkat efterkrav-ikkut nassiunneqartut tiguneq ajorpagut.

Utertitsiffissat

Kalaallit Nunaat:
Akikik.gl
Guutaap aqq. 4
3911 Sisimiut
Kalaallit Nunaat

Danmark:
Akikik.dk
Stendalen 5
Bønnerup Strand
8585 Glesborg
Danmark

Nioqqutissaq Akikik.gl-imik isumaqatigiissuteqareernikkut adressit arlaannut taamaallaat nassiunneqassaaq.

Aningaasat utertinneqarnerat

Utertitaq tiguneqarluni suliarineqareerpat, malittarisassat atuuttut naapertorlugit aningaasat pisinnaatitaaffigisatit utertinneqassapput. Nalinginnaasumik akiliinermi periuseq atorneqartoq aqqutigalugu utertinneqassapput.

Arrepissuteqarsinnaatitaanermut ilaatinneqanngitsut

Pisinnaatitaaffik ilaatigut killilerneqarsinnaavoq:

• Nioqqutissat pisisup kissaatigisai malillugit sanaat imaluunniit naleqqussakkat
• Nioqqutissat matoqqasut peqqissuseq imaluunniit eqqiluisaarneq pissutigalugu utertinneqarsinnaanngitsut, matusaat peerneqarsimappat
• Nioqqutissat sukkasuumik aseroriarsinnaasut imaluunniit pisoqalisinnaasut

Suliffeqarfittut pisineq

Suliffeqarfittut pisinermi nalinginnaasumik pisinermik arrepissuteqarsinnaatitaaneqanngilaq, Akikik.gl allakkatigut allamik isumaqatigiissuteqarfigineqarsimanngippat.